في جوّال الأب، عثر شاب سعودي على وصية كتبها والده -رحمه الله- قبل رحيله بأيام

وبشاير فاهتم بهم وكانهم انا وخلك اكبر عون وسند وظهر لهم كلهم فانت المسؤول عنهم امام الله من بعدي خاصة الصغير الضعيف عبد العزيز يا عبد الله ولا تنسى اختك مها أن تكون معين والحمد لله أن الله رزقها بياسر زوجها فهو رجال نشمي وهو اخوك الكبير والله اني احبه واحب اولاده وانا جدهم.
4 احضر يا عبد الله مناسبات الجماعة والعايلة في الزواجات والاعياد ولا تنسى تزورهم اذا مرض واحد منهم تكفى وانا ابوك لنك كنت ما تحب تخرج من البيت وانا دايم احضر المناسبات كلها فابغاك تكون محلي ومكاني وأطلب من ولد خالك عمر بن سعيد انه يعلمك باوقات المناسبات لنه كان اكثر واحد يسألني عنك لما احضر المناسبات.
5 لا تقطع لا تقطع لا تقطع وصلك بعمتك شريفة وخالتك مسفرة فاني اوصيك ان تزورهم اسبوعيا ان كان تبغا رضاي عليك فتكفي وانا ابوك انك ما تتركهم وتكون مثل ابنهم ابدن ابدن ابدن لا تقطع عمتك شريفة وخالتك مسفرة.
6 لما تروح الرياض تروح لعمك سعيد وتزوره وهذا اللي يسونه عيال عمك معي اذا جاءو للشرقية فرضى عمك سعيد عليك من رضاي
7 انا احب عمك صالح الفقيه الله يرحمه كثير جدا وكنت اشوفه زي والدي صالح وكنت دايم ازوره وما قطعته حتى توفى والله يبيح منه والحين الدور عليك انك ما تقطع ابنه الرجال الطيب محمد الفقيه فاوصيك بزيارته دايم وما تقطعه.
8 لا تتدين ابدا فان السلف تلف وحمله ثقيل ثقيل يا عبد الله فلا تتسلف مهما كان الا في الشديد القوي او تكون مسالة حياة ومۏت غيرها لا.
أما الأمور الماليه يا ولدي
9 أنا ولله الحمد ما علي دين ابن وما عرف احد يطلبني وان جاك احد وقالك انه يطلبني فاطلب منه ما يثبت من ورقه او شهادة رجال فان جابها فاعطه لكن والله ما عرف احد متدين منه
والله يا عبد الله اتمنى ان يمد الله في عمري واشوفك موظف في ارامكو أو مكان كبير ولكني احس بدنو الاجل وهذا امر الله صدقني يا عبد الله اني اعطيتك كل ما املك وعلى قد اللي اقدر واني ما ابغا اشوفك منكسر ولو عندي زياده لاعطيتك لكن الحمد لله الله الله في نفسك وفي امك وفي اخواتك واخوانك.
استودعك الله يا ابني البار . 
قرأت هذه القصة والهمتني فنقتلها لكم عسى ان نكون سبب لدعوة شخص غريب لذلك الشخص وربنا يرحمه ويرحمنا جميعا ..