كنت رافضة فكرِة الزواج التقليدي وخاېفة منو للحد يلي تزوجت فيه ° زواج تقليدي

كنت رافضة فكرِة الزواج التقليدي وخاېفة منو للحد يلي تزوجت فيه  زواج تقليدي 

• بعد بفترة من الزواج خبرتو الصبح قبل ما يطلع على شغلو انو لازمني شوية غراض من السوق عطاني مصاري وقلي جيبي لبدك ياه وطلع

• وبعد بساعة دقلي ليسألني اذا طلعت على السوق خبرتو اني بعد ما طلعت وحكالي هلق جاي اخدك لا تنزلي لوحدك منجيبهن سوا

• لما حملت بالشهر الأول خبرتو انو لازم نروح سوا على دكتور نكشف على البيبي بالأيكو خبرني انو شغلو لفوق راسو ومضغوط .

• ولما وصلت على العيادة وندهت الدكتورة بأسمي للمُعاينة ب دورك ف سمعت صوت عم يقول دورنا مو دورها .

• لما كنا طالعين نسهر وسألتو شو بلبس وقلي ألبسي أي شي
فتت على الغرفة لحقني ابتسم وقلي أنا بختار إلك وبساعدك •
• لما سألتو شو حابب اطبخلك قلي أعملي شو ما بدك وبعد ما وصل على شغل اتصل  وقلي ما تحتاري وخبرني  إنو مشتهي الاكلة الفلانيّة من تحت ايدي 

• لما مرضت غاب عن شغلو وطعماني بأيديه ونظم أوقات أدويتي وما غفي لنزلت حرارتي

مو مُهم طريقة الزواج المُهم إنو ينزرع الحُبّ ويتكلل هالزواج #بورود_الاهتمام  بين الطرفين
الكاتبة|فلك عبد الرزاق لحلوح|