حكاية العمارة ال60 دور؟ رائعة بقلم كاتب مجهول

حكاية العمارة ال60 دور؟
هحكيها لكم
كان في اتنين شباب من الأرياف جم القاهرة للعمل ، بحثوا عن سكن رخيص فلم يجدوا الا حجرة في السطوح لعمارة 60 دور ، والاسانسير يغلق بعد الساعة الثانية عشر ، في مرة جم متأخرين ، فالشاب بيقول لصاحبه هنعمل ايه ؟ قاله نطلع علي السلم!  قاله نطلع ستين دووور 😱 قاله مش احسن منبات في الشارع ، المهم اتفقوا اول عشرين دور ياخدوها ضحك وهزار وتنطيط😁 والعشرين الدور اللي بعدها يحكوا حكاية طويلة ، وأخر عشرين دور يحكوا قصة حزينة 😢
وبالفعل عملوا كده اول عشرين دور  ضحك وتنطيط وفرح ، واللي بعدها القصة الطووويييلة ، وبعدين القصة الحزينة ويعيطوا ، وصلوا السطوح مكسرين ، واحد قال لصاحبه اقولك حاجه نكد اكتر من القصة الحزينة ، قاله قول ، قاله انا نسيت المفتاح بتاع الغرفة تحت 😱 مين ينزل يجيبو 😂

القصة رمزية العمارة ال60دور هي عمرك ، 👌
👌اول عشرين دور يعني اول عشرين سنة ضحك وهزار ولعب من غير مسئولية ومشغول عن ربنا! 
👌 وتاني عشرين سنة القصة الطويلة عاوز يتجوز وبيدور علي عروسة وعاوز شقة ويفرشها وعاوز ينجب والعيال تروح المدرسه ويتعلموا قصة طويلة 👌لحد الاربعين وبردو مشغول عن ربنا!  أخر عشرين سنة القصة الحزينة النظر ضعف والركب شخللت والضهر انحني وعاوز دكتور وعلاج وخلاص مش قادر تروح تصلي ،

هووووب وصل لأخر العمر فين المفتاح ؟ 
فين ربنا  في حياتك  عملي ؟
طب ارجع اجيب الحياة تاني ازاي من غير ربنا  ، اجيب المفتاح ؟ مينفعش