قصة قصيرة ... اليوم تقدم ئلي عريس وبابا عرف انو مابدي ياه مع انو طبيب و مرتب وشخصية
اليوم تقدم ئلي عريس وبابا عرف انو مابدي ياه مع انو طبيب و مرتب وشخصية يعني ما في عندو اي مشكلة .. . وقتها قلي شو سبب رفضك للعريس قلتلو بابا بصراحة انا بدي كمل ماجستير وما بدي اتزوج الا لخلص الماجستير .. هون بابا ببساطة اعتذر من الناس وقلن مائلكن عنا نصيب وبعد يومين قلي تعالي بدي حاكيكي بموضوع .. قلي بعرف انو الدراسة مو السبب الحقيقي لرفضك العريس وقلي على فكرة بعرف انو منشان عامر مابدك تنخطبي .. انا هون تغير لون وجهي كيف عرف اسمو و من ايمت .. اطلع فيي واضحك وقلي اي اي بعرف وطلب مني رقمو وقلي بدي حاكي اهلو واول ما رد .. قلو بابا شو ناطر نجي نطلب ايديك رسمي من اهلك ولا كيف .. وقلو انت بتعرف انو بنتي رفضت ٣ عريس بسببك وانا توقعت تكون انت من بينتاهن الرابع اذا بيجي بدي خبرك انو محا ينرفض وسكر بوجهو اجيت بدي احكي قلي بكرا بنشوف اذا بيستاهل رفضك للعرسان او لا .. هون عامر بعد يوم خلا اهلو يحاكو اهلي .. وطلبو موعد رسمي ولما اجا عامر قلو لابي انو كان
خاېف طول هالفترة يجي يتقدملي وينرفض باعتبار انو والده موظف بشركة بابا .. بس من بعد ما حكيتلو انك بتعرف بقصتنا وساكت طول هالوقت ماكنت متوقع ابداً .. هون قلو بابا .. مو مهم ابداً شو شغلك او مركزك المهم تكون بنتي مبسوطة مع الشخص يلي اختارتهُ .. وبالفعل تمت خطوبتنا وصرلي ٥ سنين متزوجين وطبعاً عامر طلع اد الاختبار وكمان بعمرو ما زعلني ..
تمت
اذا اتممت القراءة فصلي على الحبيب
