رواية السعادة والحب ..

و شو ممكن تفهم من هالحكي .. 
و شو يلي ممكن يكون مخبى ..

معقول الفراق ؟؟

كانت طول اليل سهرانة عم تفكر 
شو ممكن يكون .. !!

صار الوقت 
لبست نفس اللبس يلي عرفها فيهم 
ما حطت كحلة .. كانت واثقة انها رح تنخرب

طلعت من البيت كان قلبها
عم يدق بسرعة و ايديها عم ترجف " متوترة "

وصلت على المكان .. 
و بنفس المكان ..

شافت شي ما توقعتو ابداً 
مو مصدقة هي بشي 
حلم من يلي بيحكيلها ياهم  
و لا بالحقيقة .. ركدت متل المچنونة

صارت قبالو .. 
كان لابس طقم جديد 
بأيدو وردة حمرا .. 

كان جامع رفقاتها و رفقاتو يلي بيعرفوهم 
وكل يلي كانو يحكو عليهم ...!!

وبدون ولا كلمة 
وبدون اي تردد 
وبدون ما تفهم شي 
غمرتو .. غمرة اختفى فيها 
ۏجع دني .. بدقيقة 
متل السحر ..

كانت غمرة عمر .. غمرة جبل من امل

عطاها الوردة ..

هي الوردة قطفتلك ياها من احسن جنينة  :P

و الخاتم يلي حلمنا فيه صار جاهز  

البيت صح مو متل ما حلمنا بس 
رح يكون احلى بيت بالعالم 
ورح نبني سوا فيه احلامنا  ..

و اليوم جاية اخطبك من اهلك  ...

بحبك ..

كان بعينها دمعتين
دمعة من الفرحة 
و دمعة لأنها بآخر فترة قسيت عليه

و كانت لهفتا فرحتها و دموعها بالنسبة الو  
احلى من اي شي ممكن يشوفو بهالكون .. 

خبرت اهلا كلشي .. اهلا قبلو ..

صح كان في احسن منو مادياً ..  
بس كانو اهلا مأكدين من عيونها 
من ضحكتها وفرحتها انها ما رح تكون سعيدة 
مع شب غيرو اكتر من سعادتها بلحظة معو  ...

يمكن كل شي كان بالدين من رفقاتو من اهلو من قرابو .. 
يمكن باع كتير شغلات و اتخلا عنهم ليحقق 
جزء من حلمهم ويحافظ على الحب يلي بينهم ..

بس اكيد كان وفي لحبّو و ضحى كرمالو ..  
و مافي احلى من هيك تضحية 
الټضحية كرمال حبّك و سعادتك

نيالهم  على احلى و ابسط شي 
ما بيقدر يملكو اي أنسان 
لا بمال ولا بأي شي

" السعادة و الحب "
لـ بالعامية بحبك  🤍
2014/04/22