أنا تجوزت 5 سنين وما أجاني ولاد ورحت لعند كتير عند دكاترة وقالولي مافي أمل وبعمري ما رح خلف..

#حبيت❤️ منقول 

أنا تجوزت 5 سنين وما أجاني ولاد ورحت لعند كتير عند دكاترة وقالولي مافي أمل وبعمري ما رح خلف.. وبيوم من الأيام جوزي قلي بدنا ننقل العفش لأنو رح ندهن البيت ونجدد الديكور في ببالي ترتيب جديد.. قلتلو بس لسا شكلو حلو.. قلي لا بدنا نجدد.. المهم لقا بيت جنب بيت أهلي ونقلنا العفش كلو ..
وفجأة راح تجوز ببيتنا ولما خبرت قلتلو ليش ما قلتلي من الأول إنو بدك تتجوز.. قلي كنت خاېف ع مشاعرك.. قلتلو أنا بفرحلك لما يكون بدك ولد هاد حقك.. قلي صار يلي وأنا وياكي عشرة عمر ولازم تفرحي ع فرحي.. هزيت براسي وسكتت ..

راحت أيام وأجت أيام، سمعت خبر إنو مرتو التانية حامل.. وبعد فترة أجى فعلاً وقلي باركيلي أنا رح صير أب.. قلتلو من كل قلبي بتمنى يصير عندك ابن حلو بيشبهك.. وبعد فترة أجى قلي أنا آسف ما رح أقدر كمل معك.. قلتلو ليش؟ قلي أنا رح صير أب عن قريب وعندي مسؤوليات وما رح اقدر اصرف ع بيتين.. قلتلو خليني على ذمتك ومالك علاقة بمصاريفي رح اشتغل واصرف على حالي.. قالي ما بصير.. قلتلو طيب رح خلي اهلي يصرفوا علي وخليني على ذمتك أنا بحبك ما تتركني.. قلي الظروف أقوى مني، وطلقني ..
رغم أنو هو بيشتغل شغل ممتاز ونسبة أرباحو عالية، الله يباركلو وبيقدر يفتح 4 بيوت ومع هيك وقتا طالعني من بيتنا الملك وسكني بالأجار، طلع مخطط يطلقني من الأول.. وصدقاً عشت أيام صعبة كتير أبكي ليل نهار ونشفو دموع عيوني ..

مع الوقت بابا قدملي على وظيفة بشركة خاصة كوني خريجة هندسة وعندي خبرة لا بأس فيها، وانقبلت بالوظيفة وبلشت روح عالشغل وأرجع وبعد فترة تعرفت على زميل معي بالشغل ف سألني عن ظروفي وحكيتلو، وهو حكالي عن حالو وصرنا رفقة عالسوا وعلى تواصل دائم، وبيوم من الأيام صار يلي ما كنت متوقعتو !

زميلي طلب يتقدملي رسمي، بصراحة ما كنت مصدقة حالي، قلتلو أنت عزابي شو جابرك تتجوز وحدة مطلقة وما بتخلف كمان.. قلي أنا حبيتك وحبيت براءتك وعفويتك وتعلقت فيكي وما بهمني يجيني ولاد قد ما بهمني أني اعيش معك (ما بعرف ليش هون تذكرت جوزي السابق) ..

المهم أجى طلبني وأهلي وافقو لأني أنا موافقة واتفقنا ع كلشي وعلى أكمل وجه، وتجوزنا.. وبعد 3 شهور من زواجنا مرضت وأخدني عالدكتور.. وبعد الفحص قلي الدكتور مبروك أنتي حامل شهرين يا مدام.. قلتلو عنجد أنا حامل!! طيب الله يوفقك يا دكتور رجاع تأكد مرة تانية.. قلي والله حامل.. كتير انبسطت بالخبر بس قلت بدي أتأكد عند دكتور تاني ورحت عند دكتور سبق وقلي من زمان "أنتي مستحيل تخلفي" ولما فحصني تفاجئ وقلي والله هي معجزة وأكدلي إني حامل.. ما بقدر أوصفلكن حجم الفرحة يلي كنت فيا حسيت قلبي رح يطلع من محلو وصرت صړخ ولفيت جوزي وهو باسني من جبيني وضمني وصرنا نبكي ..

رجعنا عالبيت وأجو رفقاتي وأهلي يباركولي وفرحولي كتير.. وسجدت بالأرض شكراً وحمداً لله على كل نعمو وفضلو، رزقني بوظيفة و زوج حنون وأني أخيراً رح صير أم 🥺⁦❤️⁩

" ما ضاقت إلا لتفرج♥️."⁩
انضمو لهون حكايتنا 🕊 لتشوفو كمان قصصص وتجارب حقيقية لكتير صبايا💕