بعد فرحى بأسبوع اكتشفت ان مراتي علي اتصال بالعالم الخفي ووكانت مخبيه عني والا مكنتش هتجوزها

عريس_بيقول 
بعد فرحى بأسبوع اكتشفت ان مراتي علي اتصال بالعالم الخفي ووكانت مخبيه عني والا مكنتش هتجوزها 
انا سبتها في الاوضه وطلعت اجيب كاسة مي جبتها ورجعت ولسه مافاتت من باب الغرفة سمعتها بتقول
برايمر .... كونسيلر .... كونتور ..... هايلايتر .
وياريتها علي قد الاربعه دول دا طلع فيه برونزر 
كاسة المي وقعت من ايدي
ياحظك الاسود ياوليد وهو الواحد يتعامل معاها كيف هو انا ناقص المهم خبطت ع الباب عشان لو هما موجودين تصرفهم ولا اشوفهم ولا يشوفوني وبالفعل دخلت مالقيت شي الحمدلله
قعدت علي حرف السرير اللي خاېف من امه لتقول لابوه عن شغله عاملها قريت كل القرآن اللي أنا حافظه وخلصته ماهو العمر مش بعزقه ياجماعة 

وبعد ما قربت من ربنا ونسيتها خالص قالتلي
ياوليد انا ليه لما قولتلك نروح عل اللاذقية اسبوع قولتلي مابتحب البحر 
قولتلها ايه دا لا استني بقي عندك وبكل ڠضب وعصبية كأنها شتمتني بأمى
مين قالك مش هنروح انا بحب البحر
بصتلي باستغراب
ايوا بحبه انا مولود في العوامه لا طبعا نروح انا مسمحلكيش تجيبي سيرة البحر قدامي انا بحبه اكتر من عم زكريا البواب
طبعا دا اي كلام في اي كلام انا بخاف اڠرق وانا في البانيو 
بس ازاي ارفضلها طلب اقسم بالله ياجماعه قالت التعويذه كامله من اول البرايمر مرورا بالكونسيلر وصولا للهايلايتر
المهم امي لاحظت اني بسمع كلامها عمال علي بطال من قبل ما تتكلمه ولما ضيقت عليا في السؤال حكيتلها
قالت لا يابني متظلمش يمكن دي حاجات بنات من بتاعة اليومين دول قولي تاني كدا هي قالت ايه
قالت برايمر و كونسيلر و هايلايتر و برونزر
بصتلي پخوف كدا وقالتلي هي قالت برونزر 
ايوه ياما قالت
لا البت دي ملبوسه 
طيب ياما اقولها انك قولتي كدا
وشها قلب ألوان
يخربيتك وبيت شكلك وانا مالي اوعي تجبلها سيرتي انا ناقصه تقلب عليا
استغليت الفرصه
بقولك هاتي عشر تلاف عشان هي دماغها والسفر
خد يااخويا بس قولها ان انا اللي مدياك الفلوس واني بحبها واي حبشتكنات كدا عشان متزعلش مني واول ماترجعوا من السفر هجيبلها الشيخ
ولما رجعنا من السفر قعدت انا وامي مع شيخ من بلدنا كدا واحنا بناكل لقمه مع بعض حكينا الموضوع 
الشيخ قلع الطاقيه وهرش في راسه وقال لا الاسماء تقيله ماليش صرفه معاهم
ياعم يهديك يرضيك قال طب هقعد معاها اقولها اللي انتوا قولتوه واشوف يمكن انتوا ظلمه اصل الاسماء دي عشيره بحالها 
وانت عرفت منين ياشيخ انهم عشيره 
قال اصل اسمائهم غريبه واول مره اسمعهم
ندهت عليها بكل أدب الازواج مش خوف منها لا دا حب
ياحبيبتي ياللي ليا... بعد كل الكون ما باعني
دخلت وسلمت وقعدت
الشيخ بعد ما قرأ ايه الكرسي بصوت واطي يدوب أنا سمعته قالها
يابنتي انتي تعرفي الكونتور
اه ياعمو
يانهار اسود ومنيل
طيب يابنتي بالله عليكي تركزي 
تعرفي الكونسولر
اه ياعمو الكونسيلر