قصص رائعة

القصة الاولى 
وحدة سمعت إنو جوزها بدو يتجوز عليها قامت سلقت أربع  بيضات ولونت كل بيضة بلون مختلف وحطتهن على العشا 
زوجها قلها ليش ملون البيض هيك 
قالتلوا: دوق وبعدين بتعرف 
وبعد ما أكلهم لقاهم نفس الطعمة !! 
قالتلوا : شفت بقى النسوان كلهم نفس الطعم بس باختلاف ألوانهم  
قلها : معاكي حق، بس تصدقي اكتشفت شغلة مهمة كتيييير ؟ 
قالتلو : شو كتشفت ! 
قلها :اكتشفت إنى ماشبعت إلا بعد ما أكلت الأربع  بيضات...
جبلها آخــــرتها بوقتها  

 

 

القصة الثانية : 

❤❤❤❤
جوزي أخد تكسي و راح زار أمه يوم الثلاثاء بعد الدوام .. 
تغدا عندها وقعد شوي .. وأمه صارت تحكيله إنه محتاجة تركب سنان وانها ما بتعرف تاكل لانه مكانهم فاضي وراحت عالدكتور وطلب منها مبلغ
وزوجي كان مستلم الراتب .. طال الراتب كله وأعطاها أياه وطبعا ما ضل معه إشي .. 
لدرجة إنه روح من المدينة الرياضية لطبربور مشي .. 
وصل يا دوب قادر يلقط نفس .. 
ولما تحمم وغير أواعيه وقعد حكالي هيك هيك صار معي اليوم .. وما قدرت احكيلها لأ .. كيف بده ييجيني قلب آكل وأشرب وهي لأ .. 
صح زعلت بيني وبين حالي وانقهرت أولها بس هاي أمه كمان .. حكيتله يلا بسيطة بيكفي دعوة منها .. وان شاء الله ربنا بيرزق لا تهكل هم .. 

أقسم بالله يا بنات ما في ساعة زمن .. رن جارنا على زوجي وحكاله إنه حماه قاعد ببني وبده واحد يستلم ورشة الكهربا بحكم انه زوجي بالأصل كهربجي .. 
طبعا وافق على طول .. وطلع مع جارنا عند حماه .. 
ولما رجع كان معه 1200 دينار .. فرحتي كانت لا توصف .. وهو كان مو مصدق ..
حكالي الزلمة دفعلي مقدماً .. بالعادة ما حد بعمل هيك ..
هاي اكيد دعوة حماتي ورضاها عليه .. وكمان يقيني برب العالمين إنه ما راح ينسانا .. الحمدلله الف مرة

فعلا كل شي بهاي الدنيا إما تتركه او يتركك 
إلا رب العالمين إن قربت منه أغناك وإن تركته ناداك ❤