مشكلة احد الأڠضاء

انا زوجي اتجوز امبارح من أرملة طبيبة بعد 8 سنين زواج بينا كلها حب و حنان و كرم منه مشوفتش منه حاجة وح7شة و لما كان بيحصل خلاف بينا و يبقى فيه تجاوز كان بيجي يصالحني حتي لو كنت غلطانة ، من فترة قالي انا محتاج اتجوز بصراحة كدا و هو مقتدر من كل وجه ، فكرته بيهزر كعادته بس طلع بجد و عنده نية مسبقة و زي اي ست اتجننت و اتعص7بت عليه و انهر7ت  و في النهاية طلبت اروح لأهلي عشان مكنتش كويسة نفسيا و كان فيا ألم ميتوصفش  ، قولتله انا مش هقف في طريق الحلال ولا قدام شرع ربنا بس انا محتاجة اقعد مع نفسي و أقرر عشان مظلمش نفسي  ، قعدت شهر عند اهلي و كان بيجي يطمن علي الولاد أو يبعت عربية تخدهم ،

 بعد القعدة دي عرفت اني مش هقدر ابعد عنه لأني بحبه اكتر من نفسي و مقدرش احرم الولاد منه عشان بيحبوه ، بعد وج7ع رهيب و دموع و ألم قررت ارجع ،  ابي و امي وافقوني علي قراري و هو بعد ما رجعت احتواني و قالي ان كل حاجة كنا بنعملها سوا مش هتتغير و هتفضلي ست البيت و كبيرتي  و انا عارفة انه بيحبني معنديش شك و كان نفسي اعرف ايه احتياجه انه يتجوز بس مقالش و مش بيقول غير أنه محتاج وبس  ، مش قادرة اتصور ان فيه ست تانية في حياته و لا قادرة اتصور انه واخد قرار انه يتممهم أربعة و يقولي انتي عندي كل حاجة بس انا محتاج كالعادة  ، الحمد لله علي كل حال و مش عارفة بس دا أشد ابتلا7ء في حياتي و أشد اختبار في عمري كله