صرلي يومين عم مر من جنب اللحام وعم شوف عارض فروج ن .ي .. وكاتب عليه 12 الف ..
هنا #سورية
صرلي يومين عم مر من جنب اللحام وعم شوف عارض فروج ني .. وكاتب عليه 12 الف ..
و اليوم كنت راجعة عالبيت ومعي 15 ألف وبدي جيب فيهم الطبخة .. صفنت شوي قلت لحالي أقل أقل طبخة عم تكلف 15 ألف .. روحي يا بنت اطب .شيهاااا و جيبي فروج ني ب12 الف وكيلو بطاطا و خلي زوجك وولادك يتغذوا والله قلبهم نش .ف يعليي ..
أحسن .. ! بس اتذكرت انه ماعندي زيت للقلي .. ولا عندي رز بالبيت .. وصرت إضر .ب
أخماس بأسداس .. مشان زبط طبخة ظريفة لعيلتي .. وصلت عالمحل وبكل شموخ و وقار بفوت بقلو لو سمحت عطيني هاد الفروج اللي عارضو هون 😎.. اجا هالبياع وحطو عالميزان وقلي 35 ألف مدام .. أنا صرت هيك 😳😰😧😮😣 😬🙄😯😪
وضاعت الأحلام كلها بثواااني .. وضاعت الضحكة .. و راح الشموخ .. و اتذكرت حلقة بقعة ضوء تبع فروج فروج فروج .. اتذكرت بكل ألم لما أول مرة شفنا هالحلقة أديش استغربنا هالشي .. و صرنا نقول .. اي معقووووول يعني مو قدرانين يشتروا فروج .. و لما اشتروه عملوه ع كذا طبخة .. و حتى العضم جففوه وعملوه ماجي ..!!
رحت اشتريت كيلو لبن وكيلو بطاطا تاني و ماجي .. وقررت اعمل مفركة بطاطا 🥺
(المُضحك المُبكي )
