مشهد تمثيلي لكن بالفعل يعبر عن قصة حقيقة حدثت بالشام ..

مشهد تمثيلي لكن بالفعل يعبر عن قصة حقيقة حدثت بالشام 
تفاصيل القصة على حسب ذمة الراوي  يلي حكالنا هي القصة من وقت ماكنت بعمر صغير  
رح احكيلكم هالقصة الحقيقيه متل  ما تم تدواله بهديك الفترة 
شوفير تكسي يلي مثل دوره  أبو جانتي هو فعلا  شوفير تكسي من الشام كان على طريق خط سريع واوتستراد وشاف بنت متل القمر ولوحت بإيديها ليوقف طبعا طول الطريق هي ضلت ساكتة بس  يلي عملتو  أنها عطيتو ورقة على وجهتها وبس 
وهالبنت كانت  تحديدا جنب المقپرة وهاد يلي خوف صاحب التكسي بزيادة وصمتها غير المبرر  بس كان ووشها على حسب ما حكا الرواي مابيدل على انها شخص مو منيح بالعكس كان وشها منور وفي ابتسامة مريحة على وجهها  .. المهم بعد ما وصلها على المكان يلي مكتوب على الورقة نزلت من التكسي  ونسيت تدفع الآجرة وكانت نسيانة جاكيتها  صار الشوفير ينادليها بصوت عالي هي ضلت ماشية وماردت عليه لحد مافاتت على بيت وسكرت البال وراها من دون ماتتلفت أبدا. 

نزل الشوفير من سيارتو ودق على هاد البيت فتحلوا رجال كبير بالعمر ومعو مرتو الختيارة وقلو في صبية يمكن بنت حضرتكم طلعت معي من هالمكان ومادفعت الآجرة وكمان نسيت معي جاكيتها تفاجئ الآب وئلو  أنا ماعندي بنات وكمان محدا فات عالبيت ومافي غيري انا وهالمرة عايشين لحالنا ماعندي غير شب وهو بالغربة من زمان  .. قام صاحب التكسي حكا مواصفات  وشكل البنت يلي فاتت وهون  الآم صارت تبكي والأب تفاجئ بزيادة !! فكرو حدا عم يمزح ومعو سألو اذا هي مزحة شوفير التكسي هون عصب وانفعل ئلو معقول تارك شغلي لأمزح هي المزحة ئلو الأب طيب روق وراح جاب صورة لبنت لما شافها صاحب التكسي ئلو بالضبط هي هية هون الآب صار يبكي وئلو هي بنت المټوفية من  ٦ سنين .. ويلي صار معك معجزة ونحنا صرلنا فترة منيحة مو زارينها .. بالفعل راحو زاروها وبيقولو شاب شعر الشوفير من ورا هالقصة ..

الحكمة من القصة انو لاتنسو احبابكم يلي توفاهم الله ولاتنسو تدفعولهم صدقة لان انتم الوحيدين يلي بقي من اعمالهم على الأرض  ويمكن طلعتلك هالقصة لتذكرك تقرا الفاتحة على امواتكم وعلى جميع أموات المسلمين 🤍

القصة مقبتسة من هالحلقة والمسلسل الحلو